الرئيسية » منوعات » بسبب نقص الذكور ايسلندا تمنح 5000 دولار شهريا لكل مهاجر يتزوج ايسلندية

بسبب نقص الذكور ايسلندا تمنح 5000 دولار شهريا لكل مهاجر يتزوج ايسلندية

[Total: 1    Average: 3/5]

كشف الرحالة والمغامر المصري “أحمد حجاجوفيتش” حقيقة منح آيسلندا 5000 دولار شهرياً لكل مهاجر يتزوج من بنات آيسلندا.
 
وقال في تدوينة عبر صفحته الرسمية على موقع التواصل الاجتماعي “فيس بوك”: “كتير من المصريين من امبارح بينشروا علي الفيسبوك موضوع “بسبب نقص الرجال .. أيسلندا تمنح 5000 دولار شهرياً لكل مهاجر يتزوج من بنات أيسلندا لزياده النسل” وجالنا كتير من الرسائل علي الصفحة بتسألنا عن الموضوع ده”.
 
وتابع: “حجاجوفيتش كلم مسئولين في حكومة أيسلندا عن الموضوع ده عشان يعرف حقيقته والكلام اللي جاي ده مهم جداً لكل الناس المهتمة بالموضوع وقد يكون صادم للبعض بس احنا بنقولهالكوا عشان متتجروش ورا آمال زائفة”.
 
وأضاف: “الكلام ده اتضح من كلام المسئولين إنه بيحصل في كل مناسبة زي موضوع روسيا من فترة لما قالوا (اتجوز روسية وخد الجنسية و١٥ ألف دولار أمريكي هدية من الحكومة الروسية)، ودلوقتي أيسلندا بعد ظهور جمال مشجعاتهم في ماتشات اليورو، فشركات النصب ديه بتستغل الكلام ده مش بس في مصر ولكن في العديد من الدول التانية كمان بأنها بتعمل مواقع علي الانترنت “متخصصة في تسهيل الزواج من بنات أيسلندا وحاطين الخبر بتاع المكافأة”.
 
وقال: “فالشباب حول العالم (خصوصاً في مصر) بيقعوا ضحايا لعملية النصب دي، بإنهم بيدخلوا على المواقع ديه ويسجلوا بيانتهم وبيخلوك تتكلم مع بنت (اكنها اللي حتتجوزها) وبتقولك عشان تبعتلك دعوة رسمية للزواج عشان تروح السفارة وتقدر تاخد فيزا وتسافرلها وتتجوزها وتاخد المكافأه الشهرية، لازم تدفع مبلغ مالي بسيط بكارت بنكي”.
 
وأوضح: “المشكلة مش في كده، المصيبة في إنك أول ما بتحط بيانات كارتك البنكي وتكتب رقمه وتاريخ انتهائه والرقم السري اللي على ظهر الكارت وتبعتهلها، بيتم سرقة الفلوس اللي في حسابك و لو كارتك Credit card يعني البنك بيدفعلك وبعدين انت بتسدد للبنك بعد ٥٥ يوم، بيتم سحب كل المبلغ المتاح لك سحبه”.
 
واختتم: “اللي خلانا نكتب البوست ده ونحذر الناس كلها عن الفخ ده إن فعلاً المواقع ديه بتحقق ملايين الجنيهات من جيوب الناس وبعض الصفحات بتحب الزيطة فبتنزل الخبر وبتساعدهم على عملية النصب ديه، فرجاء من الناس كلها متدخلش حسابتها البنكية إلا في المواقع المضمونة بس”.

Facebook comments:

اضف رد

لن يتم نشر البريد الإلكتروني .

x

‎قد يُعجبك أيضاً

“سامي” يطلب التطليق: “مراتي نزلت تتخانق في الشارع بقميص النوم”

[Total: 3    Average: 3/5] “سامي” يطلب التطليق: “مراتي نزلت تتخانق في الشارع من غير ...