فيديو.. شادي أبو زيد عن الشرطة: مش هعتذر وهم اللي لازم يتحاكموا


29-1-2016

تهكم شادي أبو زيد، صاحب فيديو “الواقي” المسيء للشرطة، من ردود الأفعال التي وصفها بالعنيفة تجاه ما حدث.

وقال شادي في مداخلة هاتفية مع برنامج “بتوقيت مصر” المذاع على فضائية “العربي”: “أنا مش فاهم ليه دولة عظيمة زي مصر، الحكومة والمؤسسات بتاعتها كلها اتهزت بسبب فيديو مدته دقيقتين؟”.

وأضاف: “أعتقد حكومتنا أكبر من كده بكتير, مش هتعمل عقلها بعقلنا، اللي أنا عاوز أفهمه ليه الناس اتخضت قوي”.

وعندما سأله المذيع: “هل وارد ان انت تعتذر كما اعتذر زميلك أحمد مالك؟” رد شادي “أعتذر عن إيه بالضبط حضرتك .. الفيديو ليس به شيء .. أعتقد لو فيه حد مفروض يعتذر يبقى هما. ويحاكموا نفسهم على الانتهاكات اللي عملوها الفترة اللي فات .. أنا بقول لحضرتك ده فيديو دقيقتين وممكن تعتبرنا عيال صغيرة أكيد هما دماغهم أكبر من كده وهما عندهم مشاكل أكبر من كده”.

وكشف شادي عن وصول معلومات تفيد بالقبض عليه خلال الأيام القليلة القادمة.

وهاجم شادي وزارة الداخلية قائلًا: “إيه اللي وداهم التحرير .. وليه تصدر لهم أوامر زي السحل والقتل؟ المفروض يوم 25 يناير ده يوم للثورة, صفحات الشرطة المصرية شغالة في تهديدات, و خليهم ينزلوا النهاردة, خلينا نتسلي عليهم, عاملين يستفزوا الناس بالكلام ده, و فرحانين, وخلي دكر ينزل, طيب احنا مش هننزل نعمل مظاهرات,و محدش هيهتف علشان برصاصة واحدة ممكن يقتلونا, طيب احنا هنقعد نضحك عليكوا و نسف عليكوا.

[youtube]http://www.youtube.com/watch?v=-TTgeM2jGwI[/youtube]

Be the first to comment

Leave a Reply

Your email address will not be published.