الرئيسية » أخبار مصر » ضباط شرطة للإبراشى: بطل تسخن الناس علينا

ضباط شرطة للإبراشى: بطل تسخن الناس علينا

ضباط شرطة للإبراشى: بطل تسخن الناس علينا

شنَّ عدد من ضباط الشرطة هجومًا شرسًا على الإعلام المصرى بشكل عام، واتهموه بأنه لم يصل إلى وطنية الإعلام الإسرائيلي.

وقال الضابط فهمي بهجت للإعلامى وائل الإبراشى خلال برنامجه “العاشرة مساء”:

“احنا عندنا ضباط وأفراد مخطوفين من أيام الثورة ومحدش اتكلم عنهم.. لما جلعاد شاليط اتخطف الإعلام الإسرائيلي هيّج العالم كله عشان يرجعه.. إنما هنا أقعد أقول الشرطة بتاعتي بتعذب وتسحل وبتموت شعبها… دنتوا وصفتونا على أننا تتار”.

حاول الإبراشي مقاطعة “بجهت”، ولكنه قال: سيبني أتكلم .. انت قولتلي هسيبك تتكلم يبقي متقاطعنيش .. أنا وزمايلي مبنامش الليل عشان حضرتك تروح شغلك.. أشتغل إزاي وأنا قصاد إعلام بيكتف فيا وبيشحن مني الناس”.

ورد الإبراشي: “ولكن لما الشرطة تقتل المتظاهرين وتعذب الإعلام لازم يكبح دة..ولو مش عايزنا نعمل كدة يبقي انتا متعملتش من فاتورة حبيب العادلي والثورة..انتا دفعت فاتورة الدولة البوليسية مرة.. والمفروض متدفعهاش تاني”.

فرد عليه المقدم فهمي بهجت: انت جايبني علي الخط عشان تتكلم انت .. لحد دلوقت انت قاطعتني 30 مرة .. حرام عليك تصور بعض الشرفاء اللي فينا أننا ناس تتار عايزين نقتل الشعب.. سيبني دقيقة واحدة أتكلم عشان الناس تسمعني ..أنا عندي أفراد مخطوفين من أيام الثورة .. بدل متسخن الناس علينا روح اتكلم عنهم”.

فقاطعه الإبراشي: لن أسمح لك بتوجيه اتهامات .. لا أنا اللي بسخن الناس ولا أنا اللي بعذبهم .. أنا مهمتي أني أفضح الدولة البوليسية فأنا لن ألعب هذا الدور.

والتقط بهجت خيط الحديث قائلا: احنا ناس شغلتنا نخدمك في الشارع.. فرد الإبراشي : يا سيدي اخدمني بوجه إنساني وقانوني.. متخدمنيش بسحل المواطنين.

وقال أحد الضباط المتواجدين داخل الاستوديو إن واقعة قتل دهس متظاهر في المنصورة كانت قتل خطأ ولكن الإعلام سوقها على أنها قتل عمد.. فقال الإبراشي: طب انت عايزني اتكلم عنها إزاي؟ يعني المشهد وحشي ودموي ولا لا؟ .. كل الذين استشهدوا ليسوا من البلطجية وإنما من الجبهات والثورة والصفحات المعارضة للإخوان.

ودخل على الخط ضابط من النجدة يدعى محمد السكوت وقال: انتوا مصريين تجيبوا من الأول خالص.. ليه منحطش نقطة ونبدأ من الأول السطر .. فقال الإبراشي : احنا كنا عملنا كدة ولكن الوزارة الجديدة عادت للقتل والسحل.. فرد السكوت: حضرتك مبتديش فرصة لحد يتكلم.. اديني فرصة أتكلم.. احنا عايزين نوصل للشعب والقيادات أن احنا اتغيرنا ..

ولكن الحرق والمولوتوف ده تهريج .. إنك تيجي تضربني أو تحرقني وأنا بحمي منشأة .. طب بتضربني ليه؟

 

اضف رد

لن يتم نشر البريد الإلكتروني .

x

‎قد يُعجبك أيضاً

الصحة: تسجيل 171 إصابة جديدة بفيروس كورونا.. و 9 حالات وفاة

أعلنت وزارة الصحة والسكان، اليوم الجمعة، خروج 50 من المصابين بفيروس كورونا من مستشفيات العزل ...